岑麗香情侶鞋刻男友名晒愛
岑麗香昨日現身FOOTSPOT‧二十周年派對，除了演繹全新鞋履外，又與市民玩自拍，並獲大會送贈刻有其名字、獨一無二的鞋履。問到為何不要求大會多送一對鞋給男友強強湊成情侶鞋？她笑說：「我有一對已經好榮幸。（接受同男友着情侶裝？）都可以，但喺加拿大未必接受，喺香港會接受。（同男友有冇情侶裝？）都有情侶鞋，一定係平底。上年聖誕佢送咗對刻咗我個名嘅鞋畀我，佢嗰對鞋就刻咗佢個名，一個香字，一個強字。」
與男友分隔兩地的香香透露聖誕節會返加拿大，屆時可與男友共聚。問到會否順道探望好友鍾嘉欣？她說：「都會，上次嘉欣返香港，時間太緊迫，冇機會見佢。」
拍劇穿崩
香香又稱受家人影響，自小已愛鞋履。她笑言平時工作需要穿高跟鞋，但手袋中一定放有一雙平底鞋備用，並自爆拍劇趣事：「我之前拍《為食神探》其中一場戲喺辦公室開會，我着住OL套裝同四吋高跟鞋，諗住影近鏡，影唔到枱底，所以就除咗對鞋，點知睇playback，原來鏡頭有影遠鏡，所以係影到。（要重拍？有冇被人鬧？）冇被人鬧，因為我堅持呢種情況喺現實中係會發生，所以最後冇重拍。」
文：名人組