農夫：聽我哋係積陰德

組合農夫、歌手林奕匡及陳詩欣前晚為Super Girls擔任嘉賓，農夫竟在台上自我宣傳，C君說：「我哋聽日（即昨日）有簽名會，大家攞Super Girls啲唱片或支票嚟我哋都會簽。」全場起哄，之後他又作狀自責笑說：「喺人哋啲騷宣傳自己，真係好無恥。」拍檔陸永即接口：「不如講番啲有意義嘅嘢。」而林奕匡大讚SG是香港樂壇獨一無二女子組合。
農夫笑言聽他們的歌迷不是求「音質」。
農夫笑言聽他們的歌迷不是求「音質」。

昨日到唱片店為新碟舉行簽名會的農夫，坦言明知現在做唱片會蝕錢，但都堅持出碟，因想與歌迷分享音樂，但二人直言今次唱片暫時會是最後一張，之後會以其他形式來推出新歌，對音樂銷售平台的音質不夠唱片好，農夫笑說：「冇人會在乎，聽我哋唔係要音質（陰質），聽已經係積陰德！」

農夫搞笑於SG騷上為自己的簽名會宣傳。
  • 農夫搞笑於SG騷上為自己的簽名會宣傳。