王浩信激情戲着3條褲 被哨牙貝搞濕？
無綫藝員王浩信、蔡思貝、譚凱琪（Zoie）、張振朗、翟威廉及陳庭欣等昨日在電視城為劇集《踩過界》進行開鏡拜神儀式，主角李佳芯（Ali）因病缺席。
劇中浩信演失明人士，被「哨牙妹」思貝暗戀，又跟Ali有不少激情場面，是他拍戲以來最激，浩信表示要赤膊上陣，故要節食保身形。問到激情程度？他笑說：「佢主動向我索吻，拍呢啲戲通常男演員會擔心，佢令我好放心嘅，但係我都着三條褲免尷尬。（有冇同老婆備案？）拍之前有同佢講。」
漏風噴口水
思貝笑言該場戲她匿在床底，並笑說：「你哋就享受，我就難受。」戴着假哨牙開工的她除說話漏風，更不時噴口水，她笑言平時形象性感，戴上哨牙則相當可愛，浩信笑說拍攝時被她噴到一面口水：「你仲講到好光榮咁喎！」
至於Zoie飾演形體藝術家，要當眾展露body，是她拍劇以來最性感，問到是否要裸體上陣？她說：「拍攝上都要做足工夫，營造出意識上係裸體，會露背、心口、腰及腳。（尷尬？）都要豁出去，反而擔心身形，要狂做sit up修靚線條，事前都要同監製、導演傾點拍，點樣用手或者物件遮住重要位置，意識都幾大膽。」
文：影視組