邱李茂琪提早慶生 阿倫克勤陪唱k
名媛邱李茂琪與老公邱子傑乃城中模範夫婦，前日邱子傑精心為太太舉行提前慶生飯，邀請譚詠麟和李克勤為她賀壽，原來此乃第一波，第二波是雙雙飛意大利佛羅倫斯，過浪漫二人世界。
本月10日生日的邱李茂琪（Margaret），前晚獲老公溥儀眼鏡老闆邱子傑安排一個窩心提前生日飯，並相約歌手譚詠麟（阿倫）及李克勤夫婦一同慶祝，邱子傑訂製一個煙花蛋糕氹妻，蛋糕上有代表着Margaret自家珠寶品牌的「代言人」雀仔，可謂別具心思！Margaret說：「因為今晚飛佛羅倫斯出席活動，所以提早同香港嘅朋友慶祝咗先。」晚膳後還直落唱K，兩個唱家班同場，Margaret笑言唱歌水皮，無能力偷師。
收老公三個手袋
昨晚她隨夫飛佛羅倫斯，此行半公半私，出席活動之餘，正好可以一同過生日，問到老公有甚麼表示？她說：「唔知點解今年收到老公送三個手袋，其中一個Readymade手袋好難訂，個設計師仲專登睇我IG了解我之後先設計，另外一個手袋都好特別，要花兩年時間先做好，我話要等兩年咁耐，生日變咗冇禮物收？結果個品牌安排另一個手袋畀我先，所以今年有三個咁多。」另外，她提到下周是結婚19周年紀念的大日子，由於周年紀念跟她生日很近，故每年也不會特別慶祝，計劃明年20周年舉行派對。
文：名人組