陳婉衡天坑收兵抄牌
無綫新「咪神」陳婉衡憑豐滿身材俘虜宅男，麥美恩及朱智賢踢爆她在廣西天坑拍攝時有一名探險隊成員大獻殷勤，獲十指緊扣攙扶照顧，桃花運暢旺！三人又指要克服天險拍攝，辛苦得先後爆喊！
藝員黃德斌、謝東閔、梁彥宗、麥美恩、陳婉衡及朱智賢昨日在西貢出席台慶探險節目《天與地》記者會。無綫新「咪神」陳婉衡被麥美恩及朱智賢爆料指在廣西天坑拍攝時吸引一名探險隊成員獻殷勤照顧，攙扶時十指緊扣！桃花極旺的陳婉衡笑說：「我哋有交換電話，識多個朋友冇壞嘅。」她游繩落天坑時被跌下的石頭擊中面部，十分驚險。
朱智賢麥美恩爆喊
一向柔弱的朱智賢一如所料拍攝時爆喊，游繩落天坑前更喊到失控：「簡直係精神折磨，當時腦內一片空白，好似BB咁狂喊。」至於一向硬淨的麥美恩也因為攀爬時體力超出負荷去到極限而爆喊，回港後情緒低落需要時間調節：「媽咪嚟接我機，見到我好靜，都擔心我情緒唔舒服，好彩有媽咪陪我。」
黃德斌命仔緊要
黃德斌等人成功登上馬納斯盧峰，他指已經是超額完成，原本可以挑戰更高地方，但因為裝備不夠，為安全而擱置：「當地專家都叫我哋唔好上去，命仔緊要。」他登山時也出現高山反應：「頭兩日有頭痛、呼吸唔適應，有日瞓醒好似時窒息咁，又嗌唔到人幫手，當時都諗唔通就喺呢度，後來見心跳正常，冷靜後就冇事。」他指每日拍攝花近十小時上山，體力消耗很大，問到有沒有後悔參與？他說：「過程係辛苦，但係Happy嘅，下次可挑戰其他唔同地方，坐破冰船去北極。」
文：影視組