放驗孕棒報喜 翠翠老公當整蠱

無綫藝人葉翠翠日前承認懷孕4個月，婚後一直積極調理身子的她，昨日親自燉雞湯進補，務求令BB與自己都肥肥白白！翠翠受訪時坦言之前因怕小器而未有「報喜」，又笑言現時家中最多的是驗孕棒：「因為每個月都驗，所以有唔同牌子，依家仲有好多，可以留番下次用！」她憶述知道有喜當日相當緊張，更用了多支不同牌子的驗孕棒測試：「我放晒啲驗孕棒同寫『I am pregnant』字條，諗住畀驚喜老公，點知佢來來回回出入廁所幾次都冇反應，後尾仲以為我整蠱佢，到知道真係做爸爸時，佢都感動到喊！」