馬浚偉喊一喊唔見過萬

藝人馬浚偉、萬綺雯（蚊蚊）及羅敏莊（Mimi）等昨日於演藝學院完成舞台劇《偶然.徐志摩》尾場演出。馬浚偉於謝幕時再度爆喊，令蚊蚊都受感染：「留啲紙巾畀我！」蚊蚊笑指馬浚偉經常喊到超時而被罰錢，一晚要罰萬多元。

馬浚偉坦言搞舞台劇冇錢賺：「成本太高，唔使蝕已經好感動。傾呢個演出都好多考驗，我都唔知喺街喊咗幾次，問自己搞嚟做乜呢？但依家嘅興奮證明係值得。」此外，趙碩之孖住呂晶晶前來捧場，碩之透露與前男友林家亮復合，皆因「趕佢唔走」。