巴黎睇騷遇人不淑 陳嘉寶被賣豬仔 紅燈區逃奔
藝人陳嘉寶（Anjaylia）昨日身穿白色低胸長裙激罕晒「線頭」，與好友林皓霆（Charles）出席新書發布會，兩人的戲劇老師彭秀慧驚喜現身支持。Anjaylia透露書中除了靚相外，還講述不少行內故事，包括兩人亮相巴黎時裝周時的不幸經歷。Charles指當時透過中介公司認識一位法國女士，並由她安排住宿但貨不對辦，竟住在紅燈區！
恐嚇「返唔到香港」
Anjaylia指酒店附近有不少性工作者流連：「甚至有個女人追咗我半條街，應該精神有少少問題，嚇到我係咁跑！」事後，她向安排住宿的女士反映，對方不但懶理，還自稱不知道酒店在紅燈區：「佢仲叫我哋繼續Sell佢嘅服務係最好！」Charles見狀即終止合作，豈料對方竟出言恐嚇，揚言他們「返唔到香港」，嚇到要不停換酒店及在品牌活動中甩底。
挑戰性感底線
問到男友看畢新書性感相後有何評語，Anjaylia指早已備案：「其實係Charles不停挑戰我底線，有一、兩件衫我拎出嚟就問：『呢啲衫嚟o架？透成咁？』」笑言因對Charles非常信任，結果慢慢墮入愈着愈少的圈套！問到會否覺得女方保守，Charles笑言：「聽聞佢以前要包到上頸！」
文：影視組