胡定欣心痛展鵬：寧願自己受傷！

「胡說八道會」經常搞聚會聯誼，但成員胡蓓蔚（豹嫂）卻「投訴」與姊妹們難度期食飯，還指有人「發瘟」不厭其煩地詢問飯敍日子，令她甚為氣憤。直至前晚，另一成員胡杏兒舉行37歲生日會，除了抱恙的黃智雯與身在巴黎的李施嬅甩底外，忙於拍新劇《同盟》的胡定欣與姚子羚撞正通告有變，由原定缺席變出席，四位成員終於相會有期！可惜未收工的子羚約凌晨一時才到場，趕不及切蛋糕環節。期間，一大班姊妹重提群組「發瘟」事件，還笑指豹嫂最緊貼通訊群組，惹笑非常。

準備斟茶遞水

定欣與展鵬緋聞鬧得熱烘烘，兩人日前拍攝一場打戲時，展鵬不慎耳朵受傷縫六針，事後傳出多個版本，最後展鵬索性「攬上身」指是自己不慎撼到枱角。「當事人」定欣前晚為事發後首度現身，對意外的來龍去脈不願多談：「總之冇事啦！（係咪你整傷佢？）其實都唔知！當時好混亂，地方又暗，拍打戲都唔想有人受傷，希望佢快啲好番。（係咪願意做『阿四』服侍展鵬？）斟茶遞水冇問題，請食飯啦！（之後打戲錫住佢？）其實面對每場打戲都會盡量小心，但有時一拍就忘我，所以開工時都會同姚子羚、陳山聰互相提點。」

蘇永康（左）與單立文夫婦兩手揈揈到場。	姚子羚遲咗收工，未能趕及切蛋糕儀式。	胡定欣指事發時現場又亂又暗，不知道展鵬如何受傷。

踢爆今日復工

對於山聰呼籲外界不要專注定欣弄傷展鵬一事，以免她有壓力，定欣說：「都係嘅，大家都小心啲啦！後日（今日）佢應該開工。（展鵬受咗傷係咪好心痛？）有時會寧願係自己受傷都唔想對手受傷！之前我扭親腳，個個都擔心，邊方面都唔好受，惟有小心啲。（再拜神？）都唔關事嘅，之前都拜咗。」對於杏兒生日，定欣笑言自己便是禮物，故兩手空空到場，被問到會否催對方生BB時說：「會！不過佢都會好努力，希望下年有好消息！」

「胡說八道會」成員向杏兒送「肉嘴」！左起為胡杏兒、姚子羚、胡蓓蔚、胡定欣。

杏兒攬實胡蓓蔚玩到癲！

文：影視組