熱愛打籃球的余文樂日前率領其球隊橫洲工業出戰「康文盃」男子公開組賽事，結果以2分險勝奪盃，近年忙拍電影及打理自家品牌生意的余文樂坦言：「其實都好耐冇打波，大家都係享受吓打波嘅過程，輸贏冇咩所謂，只係享受同一班好朋友一齊嘅感覺，因為隊友同自己年紀都開始大，有得打就打。（有冇諗過為球隊招新隊員？）冇諗過要加新球員，因為我哋都係圍內自己友為主。」