陳志健腳傷帶挈搵銀

藝人陳志健（Otto）早前為健康食品拍攝廣告，他表示是因禍得福，他說：「之前我唔小心整親隻腳，有朋友知道我傷咗韌帶，佢係做健康食品嘅，就話畀啲產品我試吓，會對康復有幫助，近排佢籌備緊會喺香港同內地推出呢隻產品，就搵咗我拍廣告，都算係因禍得福！望住個大海，好有大自然感覺，特別舒服，拍攝期間我仲忍唔住口，食咗好多香蕉片同杧果乾。其實嚟緊我都會返內地參與啲飲食同健身嘅工作，呢個廣告同我嚟緊嘅工作計劃都幾match，又可以將注重健康嘅訊息宣揚出去，好有意義，我都好榮幸，亦都相當樂意參與！」