龔慈恩囡囡林愷鈴鋪路殺入樂壇
前無綫藝人龔慈恩與愛女林愷鈴（Ashley）、賭王四太梁安琪、女兒何超盈、兒子何猷亨及藝人陳凱琳等前晚出席「《地獄解碼》慈善群星首映禮」。就讀中五的Ashley長得亭亭玉立，身高達1米73，問她有沒有興趣做模特兒？她說：「唔知呢。」龔慈恩即說：「佢鍾意唱歌、畫畫同睇書。」問Ashley有沒有想過做歌星？她說：「冇諗過，不過有跟老師學唱歌，考完8級聲樂，有拉中提琴，都識少少鋼琴，係媽咪教嘅。」
四太唔識猷君新歡：謝賢都有個CoCo！
四太梁安琪被追問兒子何猷君承認與組合少女標本成員袁紫僑（CoCo）拍拖，她說：「邊個CoCo？我識好多CoCo，謝賢都有個CoCo，我好朋友個女都叫CoCo。（見過CoCo未？）唔知邊個CoCo。」就此事問CoCo，她說：「唔會唔開心，我哋啱啱開始，希望遲啲有機會見到佢媽咪，不過都係等Mario（猷君）安排。」談及她稱男友為「我的狗」，她解釋絕無貶意：「佢屬狗（口架）！」而猷君表示自己肖狗，所以是花名，叫「我的狗」是好Sweet的親密叫法，有機會會帶女友見媽咪。
