胡琳夾錢買工作室
歌手胡琳昨日出席《美聯工商THE ICON銷售部署記者會》，她透露想有個人工作室，所以今次除了撐場外，亦順道參觀單位：「我知呢度有啲Size細少少嘅單位，個幾月前都問定有興趣投資又信得過嘅朋友，諗住兩、三個人一齊買，唔使淨係自己負擔。」問到可有向老闆拿折扣？她笑說：「我諗住遲啲先問呢樣嘢，唔可以太激進！」
此外，她表示原定10月8日推出演唱會的Blu-ray碟，但因印碟時出現問題及封套底資料有錯，需全數回收：「尋（前）日終於出番，今次印咗3,000隻，希望一切順利！雖然唔係我印嘅，但個心都好唔舒服，覺得帶咗麻煩畀大家。」