羅伊婷鍾情肌男小方手痕想揸！

最近因參加ViuTV選美節目《美選D.n.A》人氣上升的羅伊婷，個性可愛又充滿陽光氣息，笑時臉上有深深酒窩，Daisy於三歲便開始練習芭蕾舞，舞藝非凡，難怪她深得評審及觀眾喜歡，第一輪比賽已直接殺入12強！

食極都係96磅

Daisy好動冇時停，揀男友亦一樣要陽光活力型，圈中最欣賞是游泳健將方力申及舞癡狄易達，問到擇偶條件？Daisy說：「身形要高，攬攬嗰陣我喺晒佢懷抱中，性格要細心。（要肌肉型？）做另一半就冇所謂，但睇嘅當然想，我成日問小方可唔可以畀我揸吓！」最近Daisy因參加選美而跟評審小方經常見面，但她笑言想跟偶像保持距離：「我驚發掘到佢嘅缺點呀！遠遠望吓就OK！（依家小方單身喎！）唔關我事，男友同男神兩回事，男友要接受缺點，男神唔可以有缺點！」只得96磅的Daisy自認大食，但食極唔肥，她為21吋蛇腰自豪：「最肥嗰陣都係得22吋！以前好勤力，會玩網上直播同大家一齊Sit Up，當時有腹肌（口架）！呢排懶咗啲，腹上面有層肉，或者要叫小方教我做吓Gym！」

羅伊婷個性活潑可愛，充滿陽光氣息。	羅伊婷滿意自己的上圍，笑言夠用就得！	方力申

30B上圍夠用

對於上圍單薄，Daisy直言從未想過豐胸，認為每個人都有賣點，例如選美對手「巨胸翠如」鄧月平Sell胸大，只得30B的她則Sell腰幼：「我覺得夠用（口架）喇！呢樣唔係我賣點，加上我跳舞，如果胸太大，郁嗰陣會覺得痛。」

Profile

羅伊婷（Daisy）

年齡：22歲

身高：1米61

三圍：30B、21、33

簡歷：完成八級英國皇家芭蕾舞學院考試，亦有多年爵士舞經驗，2011年《TVB周刊》Cover Girl三料冠軍。

文：立影

攝：吳文聰

網址： https://goo.gl/2oNZW9