慶祝83歲生日楚原愛煲劇

藝人楚原前日慶祝83歲生日，與太太南紅相約一班好友包括黎海珊、王晶、雪妮、盧宛茵及余安安等食飯。在無綫劇集《卡拉屋企》飾演楚原女兒的黎海珊透露，楚原叔精神非常好，更大爆對方愛上追劇：「佢精神好好，一見到我就向南紅姐話我係佢個女，佢仲記得《卡拉屋企》，將我介紹畀佢太太識。佢依家仲成日追劇，咩劇都追，仲問我有冇睇《琅琊榜》，話依家嗰套《偽裝者》仲好睇，仲講埋咩班底！」王晶亦指楚原精神甚佳，二人席上閒話家常，緬懷過去。至於導演章國明則在網上晒出大合照，當中見到眾人圍着壽星楚原，太太南紅則在旁恩愛相伴，場面溫馨！