周汶錡兒子剃鬚刀鎅手 阿B唔畀鍾懿去攞糖

歌手鍾鎮濤（阿B）、周汶錡（Kathy）、倫永亮、陳潔靈昨晚出席安老院50周年音樂會，阿B偕太太范姜及女兒鍾懿到場，並與女兒合唱演出。他指女兒原先約了朋友去萬聖節派對，但被他捉來：「佢被捉嚟冇得去攞糖，我同佢講施比受嘅重要，見佢含住淚水，希望阿女一陣趕得切去萬聖節派對『水尾』啦。」
周汶錡
周汶錡

Kathy之前為兒子打造「木乃伊」的造型獲網民激讚，她說：「好簡單，只係用咗兩卷繃帶，之後拆番仲可以用，好環保。」Kathy又指兒子的手指受傷：「佢攞咗爸爸嘅剃鬚刀玩，鎅到手指流血，已經好番，但就有條小疤痕。嗰日老公做完運動，阿仔去摷佢嗰袋，所以係要小心啲睇住佢。」

鍾鎮濤希望鍾懿明白施比受的重要性。
  • 鍾鎮濤希望鍾懿明白施比受的重要性。