黎美言生日讚諸葛體貼
名媛諸葛紫岐主理的星韜娛樂每月都會為員工舉行生日派對，日前為旗下藝人黎美言（Winkie）及兩位同事大搞生日派對慶祝，除了藝人黃倩婷、呂晶晶、鄭富安及曾傅君等出席外，老闆諸葛亦抽空出席，並向三位壽星女送上披肩及首飾作為禮物，寓意新一年愈來愈靚。歌手出身的Winkie則成為全晚「咪霸」，更和兩位小鮮肉師弟曾傅君及鄭富安又唱又跳，被笑指可以成為組合進軍樂壇。
踏入29歲的Winkie被問生日願望時，她激讚諸葛體貼：「當然係工作順利，身體健康。呢個派對真係好開心，老闆好錫我哋，成日搞聚會好似大家庭咁。嚟緊會拍新戲。其實出年係我入行10周年，依家都同公司傾出年有咩紀念計劃，始終我係唱歌出身，都想有首以10周年做主題嘅歌。」
