鄧麗欣呻dry：冇人夠膽約我

鄧麗欣呻冇人追，各位有心人識做啦！

藝人鄧麗欣（Stephy）與方力申分手後依然容光煥發，昨日她穿白色露肩裝，以代言人身份出席美容集團開幕典禮，仙氣十足。Stephy表示以前會化鬼妝參加萬聖節派對，但今年則冇時間玩。問到是否分手後沒有心情？她說：「我要專注事業，都真係忙嘅。」並坦言沒有異性約會她：「好dry，大家暫時唔夠膽約我，同埋我都冇乜識啲新嘅人。但唔好講到我好渴咁，我唔急，我依家係事業型。」提到她被影到與大埔足球隊主席蔡尚圻一齊睇球賽，Stephy指對方是朋友：「我排球隊佢都有贊助，有啲合作，同埋因為佢足球隊係大埔，我又係大埔人，所以先會去支持。」

開心有腹肌

Stephy最近為杜汶澤執導的電影《空手道》頻頻做運動及練空手道，她透露已練到有4舊腹肌：「基本上我一個禮拜係每日都有做運動，我幾開心喺呢幾日發現自己真係有啲腹肌，我見到有4舊明顯嘅，希望可以keep住。」提到舊愛小方亦愛操肌，她說：「好多女仔依家都興操馬甲線，好似胡定欣都操到好fit。」提到她日前表示與小方沒聯絡，但希望可轉做朋友，問到報道出街後，小方可有主動找她？Stephy說：「冇喎，順其自然啦。（你唔主動？）好尷尬o架喎，我唔希望咁刻意去做。」

雖然與小方分手，但鄧麗欣希望可與對方做朋友。

鄧麗欣一直有打排球，相信要操出馬甲線冇難度。

文：音樂組　

攝：司徒國榮