李樂詩養三條化骨龍 買車錢變奶粉錢

歌手李樂詩（Joyce）於10月29日第三次添丁，昨日Joyce丈夫Ted及二仔李然正到山頂明德醫院接Joyce及小兒子Theodore出院，而大仔李然熙因要上學未能到場。Joyce抱着小兒子一家四口給傳媒拍照，見Joyce精神不錯，表示Theodore食得又瞓得。問到老公可有獎勵她？她說：「老公想買架新車畀我，但我話多咗個BB要用好多錢，寧願將啲錢留給BB。」她稱兩子多了一個弟弟好開心，她已為BB準備禮物送給哥哥。問到會否再追B女？她說：「今次想追個女，但追唔到，男仔都好玩，好彩仲夠精力同佢哋追嚟追去。其實冇預再生BB，以前啲BB物品都送晒畀朋友，要再買。（照顧三子好吃力？）都吃力，有問過朋友，佢哋都話唔係太差，但返學、入學都怕自己冇記性，有啲事會忘記咗。」