岑麗香遭米雪棒打鴛鴦

藝人岑麗香、王浩信及米雪等昨日為無綫新劇《溏心風暴3》拍攝節目巡禮，劇中香香愛上茶餐廳太子爺浩信，卻被飾演母親的米雪棒打鴛鴦。曾與米雪在劇集《貓屎媽媽》演母女的香香，被「母親」大讚中文程度進步不少，她說：「都隔咗幾年，希望中文可以好啲，應該都會係嘅！其實同浩信上一次合作係《樓奴》，所以套劇出年2月拍嘅話，中文會更加好，反而英文會退步就真。（同男友講英文唔會退步啦！）依家唔係講佢嘛！其實不嬲都鍾意同浩信拍嘢，佢會挑戰我諗多啲角色嘅嘢，做多啲Research，所以期待再合作。」