田蕊妮笑蕭正楠曹永廉 廁所Gathering

田蕊妮、蕭正楠（Edwin）、曹永廉及何廣沛等昨日出席無綫新劇《超時空男臣》拜神，阿田高興表示終於可以舒服地演喜劇，劇中講述她帶領三位男臣從古代到現代所發生的事，期間更任由她玩弄。

「鏡頭後唔聽我點」

對於與Edwin及阿廉合作，阿田即爆二人甚有「HeHe」Feel：「佢哋一齊好麻甩，但又懶溫馨，去廁所都要一齊，使唔使咁恩愛呀！好離譜，不過能夠喺TVB搵到一段姻緣，都好戥佢哋高興。」雖然鏡頭前玩盡兩男，但阿田卻指他們於Cut機後秒速抽離，她笑說：「我係好投入角色，但佢兩個亦抽離得好快，鏡頭後唔聽我點，都唔專業嘅，仲要每一個Shot都抽離到，唔係幾妥。」

頂黃翠如個位

而兩男對於被阿田踢爆一起去廁所，阿廉抵死地說：「去Gathering囉！Edwin好冤氣，佢嗰個（黃翠如）唔喺身邊咪搵我頂。（有咩發生咗？）攬攬錫錫！」Edwin聞言即反擊阿廉，指拍劇時經常被對方捉住傾偈，儼如心靈雞湯，他說：「佢好長氣，又囉嗦，成日問點解做唔到男主角，今次套劇我做佢大佬，但實際年齡有差距，所以都後悔冇聽翠如講做多啲Facial，但我對套劇有信心，因為有『最佳男配角』阿廉喺度頂住。」

蕭正楠與曹永廉講起被田蕊妮大爆「HeHe情」，忍唔住笑兼互窒！	吳業坤喺鏡頭前照食，唔通真係咁肚餓？	王君馨（右起）與朱晨麗及鄧佩儀玩自拍。

對於阿田指二人於鏡頭前後兩個人，完全無視她指揮，Edwin笑說：「之前畀佢篤到我個頭90度，仲Take咗好多Take，係虐打戲，佢完全將怨氣發洩喺我身上，咁唔通Cut機都繼續畀佢踢咩，我唔係被虐狂，係專業演員嘛！」　　　

文：影視組