關之琳話唔埋嫁八次

【林麗玉北京直擊】影星關之琳（之之）與「Moiselle太子爺」陳栢熹（Harris）合作推出品牌Rosamund Moiselle，昨日於北京舉行2016秋冬時裝騷，內地藝人胡軍、名媛萬寶寶等出席。作為設計總監的之之除了時裝，還希望多做不同生意，將自己的扮靚、保養、美食心得與人分享。問到會否忙得無暇理會追求者？她說：「唔得閒理。」但承認有人約食飯，不過找完美的則很難，她希望遇到好男人支持自己，並指必需看清楚對方，但起碼要十年、八年才能知道對方所有事！問到是否冇信心談戀愛？之之說：「唔會，乜年紀都會遇到唔同嘅人，只是未遇到，會嚟嘅自然嚟。（唔會再閃婚？）我冇閃婚，不過有啲做咗廿幾年朋友，突然閃婚，覺得夾嘅話好難講。（再婚？）唔敢講唔會，可能結多八次婚都話唔定，點知呀！」追問有關舊愛陳泰銘及第一任丈夫王國旌的事情，她一律拒絕回應。