張舒雅賀生日 驚喜收「兵」

高級日本餐廳Momotaro前晚舉行一周年慶祝派對，前港姐張舒雅、名人莊家豐、華明行副總裁高偉國等到場祝賀，適逢昨日是張舒雅31歲生日，實行齊齊慶祝。開業一周年的Momotaro主打日式Fusion料理，餐廳同時設有酒吧，裝修充滿和風色彩。

有意自立門戶

派對中準備了一個十五磅的生日蛋糕慶祝餐廳開業一周年，全場一起唱生日歌，場面熱鬧。31歲生日的張舒雅獲好友在餐廳預祝生日送上驚喜，三個由真人扮的卡通公仔迷你兵團現身時，掛上「Happy Birthday」字牌並送上蛋糕，張舒雅能與餐廳一同慶祝，感到驚喜又開心：「我好鍾意呢個卡通公仔，前幾年生日朋友送咗好大隻公仔畀我，今次係真人扮，好搞笑、好得意，有少少想喊，今日諗住朋友同我切蛋糕慶祝，冇諗過會咁驚喜！」

高偉國與莊家豐同出席Momotaro周年慶祝派對。	莊家豐	Momotaro一周年慶祝派對。

31歲的她笑言「好老」，生日願望是身體健康，現時她專心工作，未想結婚：「冇拍拖，搵唔到就算！」除了為家人做珠寶生意外，她亦有意開設公司自立門戶：「我想設計婚嫁系列珠寶。（將來自己設計埋結婚用？）唔會啦，雖然屋企人做呢行，但我唔貪靚，出街都好少戴啲乜，第時結婚想簡單啲。」

鵝肝牛柳

十五磅大蛋糕

至於莊家豐與餐廳老闆5、6歲已認識，大家一直都是好朋友，被問到是否喜歡日本菜？他說：「我鍾意fusion菜，煮嘢鍾意意大利做底，再加日本嘢，屋企人試過都有讚。」而高偉國9月時曾在此餐廳舉行旗下淳生牛樟芝膠囊產品發布會，他指產品銷售不錯，世界各地都有售。還有鐘錶及投資生意的他，忙得一日24小時都不夠用。

日式Fusion料理

Momotaro由米芝蓮星級餐廳Asanebo Restaurant主廚青山征晃擔任行政總廚，炮製日式Fusion料理，有黑松露和牛海膽飯、鵝肝牛柳、鍋燒烏冬等鎮店美食，並有調酒師即場調製雞尾酒，招牌特飲是由清酒、紅莓、柑橘及桃調成的Yama Momotaro。

餐廳名稱：Momotaro

地址：中環威靈頓198號UG層

電話：2865 0005

營業時間：（每日）中午12:00－15:00、晚上18:00－01:00

文：名人組