鍾煒喬冧掂食客 台老細跪求留低

主播鍾煒喬（Matt）日前出發台北為有線拍攝旅遊節目，此行可謂玩盡海陸空，更全程有台灣索女相伴。問到他有否艷遇？Matt笑言在節目中到食店打工，被老闆及食客睇中：「老闆見啲食客冧晒，叫我小鮮肉，想我真係留喺度打工！」他又表示旅途中挑戰滑翔傘及超臭臭豆腐均順利完成，惟面對油炸蟋蟀時卻令他直呼怕怕：「我玩滑翔傘玩到導演要我扮驚，我仲挑戰埋用臭糕整嘅臭豆腐，我手指尾唔小心沾到臭糕都臭足兩日，點洗都洗唔甩！但我最驚要食蟋蟀，我由細到大都驚昆蟲，淆晒底！」