高妹陳嘉桓驚喜遇巨人！
藝人陳嘉桓（Rose）擁有模特兒身形，身高1米76的她在圈中可謂高妹一名，與男演員合作時都高人一等。不過，早前陳嘉桓與師弟阮頌揚到長春宣傳電影，碰巧附近有另一劇組開工，大家晚飯時認識當中一名內地男演員，令陳嘉桓「刮目相看」：「我平時有好多機會高過啲男演員，但今次我唔夠佢高，因為呢位男演員身高2米63，足足高我半個人，咁當然把握機會同佢合照留念啦，呢個機會好難得！」
另外，早前Rose出席老闆冼國林舉行的詠春比賽兼晚宴，一班同門師弟師妹阮頌揚、周嘉莉和葉芷如擔任頒獎嘉賓，她說：「大家平時各有各忙，好難得咁齊人，所以當晚好開心，可以成家人坐埋一齊傾偈，分享吓工作又講吓近況。」
