玄學星相：黃曉明「多仔公」命 辛苦晒Baby
女星Angelababy（楊穎）與黃曉明結婚後屢傳有孕，可惜只聞樓梯響，不過日前終傳來好消息，二人更趁住結婚一周年宣布懷孕喜訊。《東網巨星》推出的節目《玄學星相》，最新一集邀得堪輿學家陳子才，以玄學角度解構到底黃曉明有幾生得！
《東網巨星》娛樂節目《玄學星相》播出以來反應熱烈，深受觀眾歡迎，最新一集由堪輿學家陳子才以玄學分析Angelababy腹中胎兒的性別。有身孕的Baby被傳懷有B仔，惟老公黃曉明恨生女，到底她今胎會生仔定生女？陳子才說：「睇番黃曉明嘅命盤，其實佢係有仔，亦都有女。（BB出世後旺唔旺父母？）BB好大機會喺下年即雞年出世，本身同父母嘅生肖相合，不過BB旺爸爸多啲，令佢嘅生意同演藝事業都更上一層樓。」陳子才更指曉明有「多仔公」命，最少生兩個仔和一個女，組織大家庭。
五行夾 超恩愛
曉明與Baby平日聚少離多，但人前人後依然恩愛，原來他們天生特別夾！陳子才說：「從命理角度嚟講，黃曉明係屬陽嘅木，Angelababy屬陰嘅土，呢兩個五行屬性非常脗合同好夾。第二，佢哋嘅『父母宮』相合，代表互相同對方嘅家庭好啱傾，相處融洽自然開心，亦令呢段婚姻好愉快。雖然佢哋唔係成日見面，因為大家都好忙，反而令佢哋更加恩愛。」想繼續聽師傅點講？只要Click入《東網巨星》的「視娛樂」，睇《玄學星相》就更啱Feel！
此外，Angelababy與鍾漢良主演的電影《孤芳不自賞》上月殺青，電影花絮近日曝光，二人在戲中浪漫激吻，火花四濺！
https://goo.gl/1EWhWx
文：專案組