陳美伊挑戰鬼屋腳震震
影壇新人陳美伊（Melrose）趁萬聖節，日前走入鬼屋測驗膽量，很細膽的Melrose每行一步都尖叫，期間遭三女鬼吊住尾，嚇得Melrose腳仔軟哀求對方放過，三分鐘路程行足十分鐘，最後成功挑戰鬼屋的她猶有餘悸說：「仲好驚。」
自認犯賤的她坦言對鬼屋又愛又恨：「驚又想望吓佢哋嗰樣有幾嚇人。」隨即自爆試過驚到腳震，她說：「試過唔敢行，真係好驚，好想出番去，始終心血少。（有冇男仔約你去玩鬼屋博你攬住佢？）冇喎，不過我實會黐住佢，因為真係好驚。」對於有傳影壇有潛規則，Melrose表示未遇過：「冇人叫我做所謂潛規則嘅嘢。（信唔信有？）聽就聽得多，我諗點都會有。（如有前輩搵你飯局會唔會出席？）睇經理人安排，如果去都唔會性感，睇吓認唔認識，如果好熟嘅自己一個去都OK。」
化妝：iMAKEUP WORKSHOP