陳明憙闖樂壇 唔想影衰陳少琪
音樂創作人陳少琪女兒陳明憙（Jocelyn）以「創二代」身份勇闖樂壇，大爆爸爸從小到大在音樂方面都對她很嚴格，正因為爸爸反對，令她更學會爭取！從小受音樂薰陶的Jocelyn表示會努力做好音樂，不負「創二代」之名！
現年24歲的陳明憙挾着著名填詞人陳少琪女兒之名，決心以「創二代」身份勇闖樂壇！她9歲首次用鋼琴寫歌，15歲首次寫流行曲，但因從小見識很多音樂人，令她自覺不夠厲害，直至大學畢業時才敢向家人道出做歌手的願望，卻被爸爸以「未夠好」為由反對。爭執後爸爸終答應給她一年時間去倫敦進修音樂，期間在爸爸穿針引線下，她其中一首作品被選為周迅所監製的電影插曲，自此展開歌手路。她坦言曾因父親反對入行而傷心流淚，但亦理解對方反對原因：「佢係用harsh（苛刻）方法支持，反對令我學識爭取，唔係話由細到大有屋企人做音樂就乜都得，都要靠自己寫啲好歌出嚟。」
大膽改阿爸歌詞
Jocelyn的媽媽是前DJ黃靄君，Jocelyn坦言從小見識不少音樂人，反而令她有進步壓力，她說：「希望大家睇我嘅作品唔係永遠掛住我係陳少琪個女，但我覺得身為佢個『創二代』好榮幸，令我一定要保持好水準嘅音樂，佢成日都話『唔好影衰我』。」最近她推出首張專輯《童裝高跟鞋》，當中八首國語歌及兩首英文歌都是她有份創作，其中有些歌詞更是爸爸操刀，她說：「因為我中文唔係好好，啲歌永遠係用英文寫歌詞先，跟住搵爹哋或其他填詞人幫我翻繹意思，佢成日話全行得你一個敢改我啲歌詞o架咋！」
張學友指點唱功
Jocelyn因為父母關係見過不少巨星，如歌神張學友、周杰倫等，耳濡目染下對音樂及創作產生興趣，其中她開心表示曾獲學友指點，建議她可以唱得有感情少少，即使有瑕疵都不打緊。小時候她曾在飲茶時遇見已故巨星張國榮（哥哥）：「見到佢係覺得『嘩』！雖然係好細個嘅事，但依家印象都好深刻，我會解釋呢個係哥哥嘅力量。」
髮型：Nick Lam (pi4.com.hk)
化妝：Circle Cheung (ndnco.co)
場地：HMV Bar & Restaurant
文：音樂組
攝：吳文聰