黃翠如生日賣大包

藝人黃翠如日前出席馬場活動，罕有低胸上陣的她接受《東網電視》訪問。適逢當日是她35歲生日，獲設計師朋友驚喜送禮，她笑說：「嗰個朋友由細識到大，冇講送啲乜，嚟到現場10分鐘就見到呢條裙，之前冇試過，佢同我講話『係兄弟就着咗佢。』其實佢之前台慶都幫我做過衫，所以好放心。佢都知我不嬲唔行性感路線，估唔到生日搞啲咁嘅嘢，生日就着一次，之後冇喇。」