Sam紅白藍開騷咀粉絲 街景舞台夠貼地
樂壇第一代「歌神」許冠傑的紅館演唱會昨晚正式開鑼，阿Sam以一襲有獅子山圖案的紅白藍服飾登場，並以香港地道街景作舞台設計，他形容這是香港人演唱會，親民的阿Sam跟一班「街坊」觀眾熱情送上「肉嘴」。
許冠傑（Sam）一連三場演唱會昨晚在紅館正式開鑼，據知昨晚的特別嘉賓是樂壇校長譚詠麟，陳奕迅也有來捧場。阿Sam將四面舞台搭成香港地道街景，而燈牌全是電子屏幕。演唱會開始前，螢幕播出一班歌手支持他而拍的片段，包括容祖兒、泳兒等。
香港人演唱會
阿Sam穿上一身紅白藍服飾登場，長褸上是獅子山的圖案，拿住白色結他高唱《鐵塔凌雲》揭開演唱會序幕。之後當他獻唱《半斤八両》時，表示這歌是送給一眾打工仔，他說：「多謝各街坊、老友，各位兄弟靚仔靚女，大家鍾唔鍾意呢個布景好有街坊feel，多謝你哋投我一票，投我唱乜歌，呢個係香港人演唱會，全部唱晒畀你哋聽。」
校長拖篋撐場
每次演唱會阿Sam都會熱情地與觀眾、嘉賓錫錫，今次當他邊唱邊與觀眾握手時，更有歌迷偷襲錫阿Sam塊面，阿Sam也主動跟女歌迷咀嘴、額頭及面珠。開騷前阿Sam與工作人員在紅館後台進行拜神儀式，現場有數十歌迷到場支持，也見到拎住行李箱的校長譚詠麟及王祖藍各自乘車到場。歌神現身後，現場歌迷即大叫歡呼，友善的Sam亦有揮手回應。之後Sam持香誠心向四方參拜，校長、糖妹、何傲兒、陳凱彤等人都有參與拜神儀式。場館外也有擺檔發售阿Sam的紀念品，包括限量版figure、環保袋、T恤、唱片等，吸引不少Sam迷購買。
文：音樂組