蔡少芬患病隔離門罅偷望囡囡
藝人蔡少芬（Ada）與老公張晉昨日以夫妻檔為健康食品品牌澳至尊拍攝廣告，Ada透露早前患手足口病，養病時與家人隔離，幸好病情較輕，現已完全康復，此病令她深深體會到健康的重要性。Ada因病隔離，連張晉為老婆送上食物時也只可透過電話聯絡。愛女心切的Ada因太掛念囡囡，惟有在門罅偷望，她說：「我同囡囡飛吻，點知佢（張晉）話媽媽有病，仲即刻閂門！不過依家真係好多病菌，冇健康嘅體魄，想同個女玩都唔得。」
Ada稍後會回歸無綫拍攝電視劇《老表3》，問到會否怕辛苦？張晉指太太出名捱得：「佢唔去到極限都唔會停落嚟！以前睇佢拍跌落地嘅戲，連墊都唔會戴，瞓身咁仆落去。」Ada指自己婚後依然拚搏，直到兩個囡囡出世後才錫身。