熊黛林郭可頌：我們結婚了！

現年36歲的名模熊黛林（Lynn）與郭可頌拍拖一年多，郭可頌於今年三月求婚成功後屢傳婚訊，終於在昨日早上在香港律師樓簽字結婚，甚為低調，成為郭太的Lynn難掩興奮，在微博宣布喜訊，一口氣上載三張相，並寫上：「我們結婚了。」Lynn穿上白色喱士連身裙翹住老公晒婚戒，又上載簽字一刻的情況，相中所見，簽字儀式十分簡單，由經理人Kim擔任證婚人，不見雙方親人。註冊後，榮升大姑奶的郭可盈帶同女兒與一對新人食飯慶祝，並送上蛋糕祝賀。

郭可盈踢爆趕造人

提到為何由Kim擔任證婚人，郭可盈透過電話回覆本報：「Kim喺香港等同Lynn媽媽。（點解你冇出現？）因為林文龍拍劇未煞科，會揀另一日嘅好日子，等埋兩家人食一餐飯。（唔擺酒？）應該唔會大搞，佢哋嘅方向鍾意簡單，餐飯簡單而隆重，溫馨進行。」問到會否在Lynn家鄉南京再有儀式？她表示不知道，並透露送上一份有心意的禮物：「依家係家人好開心，要恭喜佢哋有有情人終成眷屬，一齊咁夾，又可以到老，組織幸福家庭。佢係好賢淑嘅女仔，好乖，唔係物質主義。」她表示知道Lynn想快盡生BB，又透露Lynn與其女兒相處好好，女兒現在叫Lynn做舅母，女兒想要表妹，因為可以教表妹。她透露自己不會再生，將責任交畀Lynn。

郭可盈晚上與弟弟郭可頌及熊黛林食飯慶祝。

熊黛林與郭可頌在律師樓簽字結婚，由經理人Kim做證婚人。

郭富城與女友買婚戒？

而Kim表示可以見證Lynn結婚好開心，送了神秘禮物給她。問到為何由她做證婚人？她說：「我都係佢家人。（Lynn有冇要求減少工作？）冇，睇情況。」問提到為何揀昨天結婚？她表示不知道。而Lynn的哥哥熊林在微博留言：「我把妹妹託付給你了好好對她，祝你們永遠幸福。」

另外，吳千語透過助手回覆：「好開心，恭喜佢搵到幸福，作為朋友當然送上無限祝福，希望佢繼續幸福快樂！」而黃百鳴則說：「Lynn，你終於搵到幸福，係你應得，願你另一半同你電影中另一半葉問一樣愛你，我相信佢會比葉問一樣愛你，因為你人太好。」此外，有網友爆在內地見到郭富城與女友買結婚戒指，更兼談及胎教的問題。

文：名人組