葉童認與李中寧關係疏離

現年61歲的李中寧日前被發現由英國回港，在北角一幢商業大廈任職保安員。自爆患上腦退化症的他非常敬業樂業，昨日如常上班。其同父異母的妹妹葉童（原名李思思）昨日與陳志雲於新光戲院為舞台劇《莎士对比亞》進行總綵排，問葉童知否李中寧回港？她直言看報道才知道，雖然跟對方有血緣，但關係很疏離，更直言只見過三次：「第一次係去英國探佢，第二次係爸爸過身嗰時，第三次就係我結婚嘅時候。我都係尋日睇到報道先知，覺得好特別，因為命運，冇得選擇父母或者性別，所以今日喺度畀你哋問個咁嘅問題。（搵佢？）從來唔知佢喺香港，我電話係冇變嘅。」

開騷近哥哥工作地方

提到李中寧工作的地方鄰近新光戲院，葉童指若有緣必定會相見，加上知道對方生活開心，會尊重大家之間的空間：「唔會有需要去搵佢，我連佢入娛樂圈都唔知，只係知有個哥哥喺英國。佢都唔係跳出嚟話自己返咗嚟，只係希望大家認得佢、關心佢同尊重佢就夠，我都好尊重佢嘅決定同回應。」另外，葉童、陳志雲和李居明等於晚上開騷前舉行拜神儀式，獲多位圈中人送花牌，包括古巨基、王祖藍與李亞男、許鞍華等。

李中寧昔日是無綫的「銀河十星」。	葉童尊重李中寧，不會刻意去找對方。	李居明（左起）、葉童及陳志雲出席拜神儀式。

李婉華：職業無分貴賤

另外，80年代與李中寧於無綫合作無間的李婉華雖然身在加拿大，亦有留意對方的新聞。她表示希望李中寧活得開心，但坦言擔心對方病情：「職業無分貴賤，我好欣賞啲人為自己而努力不放棄，唯一擔心係睇到醫生話佢有初期腦退化症，希望佢要小心。」提到李中寧現時單身及無依靠，她直言當年認識的李中寧性格內向：「咩都係一個人冇乜朋友，大家雖然係銀河十星，但唔傾得咩密偈。」

文：音樂組