朱晨麗賀男友黃子恆開舖「情敵」裕美失蹤
藝人黃子恆與家人合資在尖沙咀開設的時裝店昨日開張，緋聞女友朱晨麗偕郭晉安、林夏薇、李佳芯及蔡思貝等到賀，另一緋聞女友裕美卻未見蹤影，黃子恆解釋：「佢有嘢做。（刻意避嫌？）唔係，佢有嘢做嚟唔到啫！（會贊助裕美嘅服裝？）舖頭暫時得男裝，睇吓首飾有冇需要，其實藝人朋友有需要都可以贊助。」
朱晨麗開宗明義，自言是捧緋聞男友場，問到可有入股？她說：「係啦，我緋聞男友嘛！佢係我演戲方面好好嘅Partner，黃子恆係咪應該叫我入股，或者分幾股畀我哋？」
另一邊廂，裕美在中環出席另一活動，似乎沒有與黃子恆夾口供，表示沒有收到對方新店開張邀請：「佢開張冇請我喎！（佢話請你，但你有嘢做？）我知佢開舖，但唔知邊日。（做乜變得咁陌生？）冇呀，我啱啱喺馬來西亞返，喺嗰邊搞出書，用自己經歷過o既高低起跌鼓勵人。（會寫關於婚姻同黃子恆？）咁又冇。」