黃宗澤演飛虎Ready騷肌

黃宗澤將參與邵氏開拍的網劇《飛虎極戰》，他坦言獲委派演從未演過的角色：「個劇大約出年五、六月左右開拍，拍劇以嚟我演過CID、保護證人組、領犬員，但就係第一次演飛虎隊！（晒肌？）我有操開，但未睇劇本，要睇劇情需要，唔通槍戰中途除衫咩？做得飛虎就唔會有肚腩，呢方面我心理同生理都準備好！個劇會出埠拍，會去啲海灘度取景。（網劇主攻內地巿場？）唔知呢？依家啲點擊率好犀利！」