邵氏開拍11億巨製 荷里活插旗

邵氏兄弟昨日於中環舉行大型發布會，公布未來十多個包括電影、電視劇、網劇與綜藝節目的發展項目，當中包括電影《使徒行者》的新作《使徒行者－逆行天地》、由馬德鐘、吳卓羲與黃宗澤等主演的飛虎主題網劇《飛虎極戰》，還翻拍經典電視劇《天降財神》，但當中最令人注目的是由李冰冰及荷里活巨星積遜史特咸演出的《巨齒鯊》，為邵氏首部進軍荷里活的電影，投資額高達10億人民幣（約11億港元）！

無綫藝人傾巢而出撐發布會，一線小生黎耀祥、歐陽震華、陳展鵬及花旦胡定欣、田蕊妮等逾百藝人晒冷，其中簽約邵氏旗下經理人公司的徐子珊以低胸示人，未知是否想爭一姐之位。名導演程小東、電影公司老闆王晶及黃百鳴等數十位電影人亦前來支持，場面浩大！

岑麗香將晚裝改裝玩密實，不過依然「肩」係靚！	高海寧自爆約過鄧智偉去街，但暫時「戀人未滿」。	邵氏兄弟宣布未來大計，動員逾百藝人晒冷贏盡氣勢。

《飛虎極戰》率先開拍

邵氏兄弟控股有限公司執行董事兼電視廣播有限公司助理總經理樂易玲透露發展項目不止十個，部分會在2018、19年才開拍，但程小東的《龍門客棧》前傳與網劇《飛虎極戰》將會最快開拍，問到總投資額時說：「《巨齒鯊》都10億，依家做製作、特技全部都億億聲（口架）啦！（《巨》片演員片酬高？）有票房嘅演員唔平，同埋呢套係超級國際大片！」談到「六嬸」方逸華是否已退下火線？樂易玲說：「都半退下火線一段時間，但佢係無綫董事，而TVB係邵氏最大投資者，我哋會將邵逸夫嘅精神繼續做落去！」

陳凱琳與蔡思貝齊齊露背示人，一黑一白襯絕！	黃心穎白裏透黑Bra，不經意地搶Fo！	馮盈盈（右）、陳雅思與其他應屆港姐盛裝出席。

歐陽震華當年在《天降財神》中飾演財神一角，坦言今次重拍未知會否有份參與：「都廿年啦！係一套將我打入內地巿場嘅劇集，好深刻！」又笑指欲親自邀請當年拍檔陳妙瑛出山。而徐子珊表示簽約邵氏後多了內地發展機會，最大困難是語言問題。談到內地有不少「小鮮肉」，她聞言即說：「唔好玩我啦！我未接觸到！（唔揀？）唔鍾意圈內人！」

葉翠翠玩「凸」襲，點知莊思敏身穿吊帶裙，稍高一「線」。	莊思敏	未來大計晒冷！

高海寧自薦演醜角

同場的高海寧希望能參演公司開的新戲，不介意做爆牙、雀斑妹等醜角。談到最近有新聞而感不快並在網上爆Seed，她說：「想喺真命天子出現前澄清！（係咪音樂人鄧智偉？）有約過出去食飯。（即係有拍拖？）唔係！依家事業為重。（怕對方唔認所以唔公開？）唔係！畀啲空間我啦！」至於岑麗香被問到好友鍾嘉欣返港的消息，她表示知道對方下月4日返港出席活動，正在約對方吃飯：「唔知佢帶唔帶BB返嚟。（留幾耐？）唔知！（老公陪埋返港？）都唔知！等嘉欣講咗我哋先可以講！」黃心穎則以透視裝示人，透露想拍警匪與功夫片：「想挑戰打戲！」

文：影視組