索腿歐家裕BCup夠用唔使隆
模特兒歐家裕擁有1米74的高瘦標準Model身材，外形及感覺都與香港泳隊索女歐鎧淳有幾分相似，巧合地兩人都姓歐，難怪曾被懷疑有親戚關係！鏡頭前Joe予人嫵媚冷艷感覺，原以為是難以親近的女神，但接觸過後發現其個性原來超可愛又搞笑，她笑說：「自細就好多人話我寸同囂張，但識我就知我係低能，鍾意講笑，好無聊！」
唔介意做醜角
Joe笑言最愛跟人鬥講偶像周星馳的經典對白：「我覺得人生苦短，應該開心，都想畀多啲人知我真性情，可能將會拍片由淺入深，開頭做靚女教化妝，慢慢變諧星、醜角。（唔怕嚇走Fans？）香港人好重口味吖！火雞姐都好多人Follow，唔係話佢唔靚，係佢肯醜化自己。」
近期Joe因參加ViuTV選美真人騷人氣大增，獲封「長腿女神」，她直言平日花不少時間護理美腿。講到上圍得B Cup，她搞Gag自嘲「乳細無爭」，問有否想過豐胸？她笑說：「睇唔慣自己身材突然變好，同埋我同人講我係Model嘛！冇咩胸先啱，安慰吓自己。」
黐身小鳥伊人
所有女士都喜歡被寵愛，身形高大的Joe也不例外，她直言享受被照顧的感覺：「我鍾意男友年紀大我多啲，照顧到我，唔係講錢，係心靈溝通，但又最好識搞笑喎！（外形？）冇所謂，只係過眼雲煙！其實我係小鳥伊人，都算黐身，就算一齊睇電視，都要諗方法掂住佢。」
Profile
年齡：28歲
身高：1米74
三圍：32B、25、36
場地：香港銅鑼灣皇冠假日酒店Club@28
泳衣：Roxy
https://goo.gl/IMo5YD
文：影視組