為墮海解畫關淑怡：高跟鞋惹的禍
歌手關淑怡（Shirley）傳跟緋聞外籍舞蹈員男友Milton Lopes情變致情緒不穩，前日凌晨離奇墮海要報警求助兼送院，之前Shirley解釋「跌落水」原因是和女友人在沙灘散步失足，後又傳她當時是想游水，昨日她在社交網又稱是「高跟鞋惹的禍」：「以後no高跟鞋by the pier（去碼頭）。」解畫版本日日新鮮，及後她在ig再澄清說：「我並非游夜水，是跌落水，唉。啲海水好凍，四肢癱瘓。」
整天未見步出家門的Shirley晚上接受《東張西望》節目訪問，親口澄清外界傳言：「唔係跳海、唔係自尋短見、唔係自殺，唔係情緒問題，我令朋友擔心非常唔好意思。」她又說今次「意外」唯一最大錯誤是以為自己好叻：「我以為可以游番上岸，點知游到半路，飲咗好多鹹水，以我泳術只可以瞓喺海嘅中間，我啲朋友見到好驚，佢哋游唔到海中間（口架）嘛，就打電話搵人求助。」
而Milton Lopes則在社交網直認對Shirley有傾慕之意：「Yes l Love Shirley。」但只限於舞台及工作上，兩人之間沒有浪漫之事發生。