為期十天的《第29屆東京電影節》，昨日假六本木舉行開幕禮，吳鎮宇帶同有份演出的兒子費曼（Feynman）同行，另一男主角古天樂、春夏及蔡潔等為入圍競賽電影的港產片《脫皮爸爸》亮相紅地氈。當鎮宇及古天樂等演員在紅地氈接受內地傳媒訪問時，貪玩的費曼不斷賣萌，又冇時停跳來跳去。鎮宇受訪時表示為片中扮演十多歲角色而感到尷尬。
原來年僅8歲的費曼早前於新加坡已曾偕同父親踏過紅氈，今次「捲土重來」面對媒體追訪，問他拍戲有甚麼趣事？他只說：「沒有。」鎮宇接受長途電話訪問笑說：「佢係少少怕陌生環境嘅，如果有熟人喺度，人哋未問佢就答嘞！（留幾多日？）有公事要處理，留10日左右，費曼學校測驗，太太會先陪佢返香港，不過臨走前都會陪佢去想去嘅地方。」
古天樂稱首次參加東京電影節：「呢套電影嘅題材我好鍾意，當日睇完劇本就決定接拍，估唔到拍完仲可以嚟東京。其實我好鍾意呢度，今次寓工作於娛樂，順便休息兩日，嚟緊要去泰國拍另一部電影。」而內地影星吳亦凡及管虎亦同場出現，蔣勤勤則以透視、Deep V晚裝登場吸睛。紅地氈中途下起微雨，穿上露肩裝的佐佐木希冒雨現身，影迷依舊反應熱情。
至於金像影后梅麗史翠普（Meryl Streep）為開幕電影現身紅地氈，大受影迷歡迎！壓軸登場的首相安倍晉三在台上發言時，似乎因站在梅姨身旁而多次口窒窒，他自爆是梅姨影迷，對電影《鐵娘子》（The Iron Lady）印象最深刻。
文：影視組、外娛組