張可義避爛桃花讚熟男易溝
模特兒張可義（Emily）捉住夏天的尾巴，換上火辣三點式到沙灘玩水，大方展現好身材。擁有一身古銅膚色的Emily，原來平日喜歡與陽光玩遊戲，更不時在家中露台「大解放」曬太陽：「通常夏天我會着Bra Top同短褲到露台曬太陽，冬天就會曬太陽燈。（會否嘗試全裸曬太陽？）我冇咁大膽，因為都怕畀人睇蝕。」
勤保養怕走樣
身形弗到漏的Emily，不但擁有42吋煞食長腿，更有得天獨厚的33C「胸」器，可謂「應有則有，應冇則冇」！Emily強調其驕人上圍絕無加工：「我平時會用豐胸膏去按摩胸部，可以令到胸形結實啲。同埋我有着矯形內衣嘅習慣，Keep住胸形唔會走樣，個Shape會靚好多。」
靚女自然多人追！不少男士向單身的Emily發動攻勢，惟她坦言未走出情傷，對發展下一段感情態度謹慎：「其實一直都有人追，但始終我係圈中人，感覺關係比較難維持，同埋上一段關係可以話係爛桃花，令我變得更認真同審慎去揀男友。（咁鍾意咩類型嘅男士？）成熟穩重型，因為前度比較後生，份人鍾意玩、唔穩定，似乎同年紀大啲嘅男士容易溝通同冇分歧。」
文：專案組
攝：劉智源