關淑怡（Shirley）昨晨「離奇」墮海受傷送院，令身邊的好友非常憂心，當中曾屬同一唱片公司的湯寶如接受電話訪問時大感愕然，她說：「佢（關淑怡）咩事呀？（凌晨）4點幾去海邊做乜？最緊要人冇事！（佢飲咗酒。）真係唔知，私下冇聯絡，因為佢好難搵，都唔知打邊個電話。」問到會否覺得Shirley很「神化」？湯寶如說：「唔係我一個人覺得啦，人人都咁講。如果佢有情緒問題，好希望佢啲朋友勸佢睇醫生，我咁講唔怕佢嬲，做朋友就要講真話。」
同是昔日「寶麗金」歌手的黎瑞恩目前在麗江陪雙親旅遊，不知道Shirley墮海一事，她說：「佢點呀？」而得知好友無恙後，她開玩笑說：「我諗佢瘦得滯，佢住嗰度又大風，所以吹咗落海！」至於認識Shirley二十多年的形象設計師張學潤接受訪問時表示：「半年冇聯絡啦，佢啲嘢我冇資格評論。」問到是否已反面？他只說：「做朋友要講吓緣分囉！」