史嘉娜拉客 癱瘓成條街
荷里活性感女神史嘉娜祖漢遜（Scarlett Johansson）於法國巴黎投資的爆谷店前日開幕，自言夢想成真的她，與法國籍老公Romain Dauriac齊齊客串店員親自落場賣爆谷（Popcorn），吸引大批粉絲撐場！
史嘉娜前日穿上法國風格的藍白間條上衣與寫着店名的白色圍裙，現身她於巴黎的爆谷店「Yummy Pop」，老闆娘親力親為接待顧客，曾任職藝術雜誌編輯、現職廣告公司經理的老公Romain雖然一向低調，亦有到場幫手。史嘉娜發聲明剖白開店原因：「我同家人呢幾年一直夢想將我哋最鍾意嘅美國零食，帶畀我哋最鍾意嘅歐洲城市。好興奮可以開到Yummy Pop，佢包含我對美食嘅心血同熱誠，希望可以成為巴黎嘅招牌美食，同埋象徵住我最愛嘅兩個城市，巴黎同紐約之間嘅友誼。」
男粉絲幫襯完索合照
紅星駕到，店內店外都擠得水洩不通，店舖周邊街道塞滿大批為睹偶像風采的粉絲，他們不介意大排長龍，其中不少都是男性，很多粉絲買完爆谷都要求與史嘉娜合照，她亦有求必應，愈忙愈開心。據稱若生意好，史嘉娜與Romain計劃會開更多分店，而前日其實只屬試業，稍後會有更大型的開幕儀式。
文：外娛組
