林二汶即興向教練求婚
歌手林二汶前晚在麥花臣場館開騷，獲哥哥林一峰、林嘉欣及卓韻芝等到場支持。減掉60磅的她分別以全黑貼身衫及T恤襯牛仔褲登場，並在台上感謝相識十多年的營養師兼健身教練Wallace：「呢幾個月佢陪我做運動，尋晚仲專登同我做Gym同行山，呢啲唔止係朋友，直情係真愛！我陣間落台就嫁畀你！」她其後獻唱《漣漪》，期間不禁落淚，Wallace上前攬攬安慰，二汶說：「I love you！」
演唱會接近尾聲時，有歌迷大叫「冇冷氣」，而場內的消防燈亦閃個不停。提到她是「黑仔王」，今次開騷沒冷氣，上次開騷則跌落台，二汶騷後受訪時笑言自己太旺，但坦言上次跌落台後有陰影，不敢行近電線。她又笑言與Wallace擦出很多火花：「如果要嫁都要嫁畀呢啲男人，又高又大隻。（有冇機會？）應該冇，佢好搶手，我搶唔切，惟有『能成為密友大概總帶着愛。』」
