藝人雨僑和譚俊彥昨日到戲院為新片《驚心破》謝票，戲中飾演女警的雨僑透露早前帶媽媽睇《驚》片，卻擺了一個大烏龍：「入咗場一直喺度賣廣告，搞咗半個鐘先知自己行錯house，媽咪問我依家行返過去，會唔會我啲戲份已播完！」
譚俊彥難忘與霆鋒於泰國鬥車的戲份：「我仔細老婆嫩，點都會小心啲，佢就三輪車兩個轆離咗地。」最近回流返港與無綫簽下經理人合約的他透露稍後會剃頭拍清裝劇：「難得人哋畀機會嘛。今次返香港發展，99%都係為咗個女，唔捨得佢。佢啱啱歲半，開始百厭嘞。」
