曹永廉夢成真 攞「男配」想喊

得獎後，阿廉與同樣憑《公》劇奪女配角獎的林夏薇一齊受訪。他笑說：「其實我應該拎女配，我個角色乸乸地，薇薇演男人婆就攞男配。得獎係因為劇本好，角色特別。（年底台慶頒獎禮更有信心？）始終係年頭嘅劇，都希望因為呢次頒獎禮，大家再記得番啦。」對於蕭正楠自己得獎也不忘恭喜他，阿廉說：「得獎嗰陣我已經想喊，十幾年都冇得過獎，黃浩然都有恭喜我，希望佢哋會請我食飯。」薇薇笑說：「應該你請喎！」阿廉說：「我生日許願已經戒咗請食飯（口架）喇。」

胡定欣死撐冇耍花槍

憑《城寨英雄》首奪星和視后的胡定欣，與雙視帝陳展鵬及黎耀祥得獎後齊齊受訪。祥仔直言對賽果感驚喜：「好開心！我第一次得星和視帝。」展鵬表示跟祥仔甚有淵源：「我啱啱訓練班出嚟，就係同祥仔拍劇，之後返唔返嚟拍劇都有問佢意見。」定欣直言跟兩位拍檔一齊得獎格外開心：「舊年TVB頒獎禮就佢哋頒獎畀我，今次我頒畀佢哋，幾威呀！」

問展鵬及定欣這對緋聞男女如此有觀眾緣，會否考慮發展？兩人即遊花園避答，記者再追問，定欣才說：「我哋邊有打情罵俏呀？所以會繼續一齊拍劇囉。（鄭裕玲都以為你哋真係一齊！）搞氣氛啫。」展鵬昨日返港獲大批粉絲接機，他在微博上載相片並留言：「我很珍惜現在，也要不斷提醒自己提升自己，希望大家能在我身邊支持我……」

文：影視組