欣宜為愛棄尊嚴跪地箍煲

現年29歲的「星二代」鄭欣宜有過幾段戀愛經驗，前晚在處女演唱會中自爆曾經放下尊嚴，跪求舊愛不要走但失敗！惹來外界議論紛紛，因欣宜的新歌是講述兩年前一段痛不欲生的經歷，主人翁亦呼之欲出！嘉賓容祖兒為安撫欣宜，自嘲兩人同是男人眼中不會起痰、只會反白眼的女人，台下即笑聲一片。

欣宜全晚九度落淚，足夠喊濕幾個枕頭！

鄭欣宜（Joyce）前晚假九展舉行一連兩場演唱會，頭場原本於21日開騷，但因受颱風影響而改為昨晚演唱。化身黑金女戰士的欣宜戴上水晶面罩、高舉「Joyce」旗幟登場，勁舞熱唱《分手是常識吧》揭序幕，將現場氣氛火速炒熱。欣宜全晚換上六個不同造型，甫開口答謝觀眾時已忍不住淚流披面：「做咗六年歌手終於可以開處女演唱會，真係好開心！我依家好亂，之前諗嘅嘢忘記晒。」

講兩年前一段情

唱到新歌《無表面傷痕》時，欣宜自爆曾為前男友放下尊嚴，跪求對方不要離開她，她哽咽說：「大家係咪覺得我好堅強？我曾經跪喺地下叫佢唔好走，我將尊嚴放低，最終佢都走咗！我成個人變晒，人生冇咗自己，照鏡認唔出自己，估唔到可以崩潰到呢個地步！所以呢刻唔開心就盡情發洩負面情緒，失戀有乜問題？我哋由第一首歌紀念，依家由一首歌結束。」

翻查欣宜情史，讀高中時有過兩段Puppy Love，入行後與老外男友Mark Ryan拍拖五年，其後與韓籍男模崔豪進（Jin）傳過緋聞。兩年前，她與紋身潮爆攝影師男友Silas Lee蜜運，曾經讚男友不介意她肥，但直到去年中玩完。欣宜早前談及新歌《無表面傷痕》時承認是講述自己兩年前一段感情經歷，經過很久的掙扎，首次錄音時更錄到跪低崩潰喪喊，還形容這首歌是一個結局。由於欣宜披露的時間與Silas Lee的拍拖時間最脗合，估計所指「跪求的男友」是Silas Lee的嫌疑最大。