文詠珊進駐男友豪宅 唔急做闊太
女星文詠珊（JM）、林家棟及許志安等前晚出席電影《兇手還未睡》首映禮，JM因說話時中英夾雜而被戲稱為「JM Tone」，對此她毫不介意：「我睇完覺得幾好笑，壞習慣要改，我係普通人，都有壞習慣。（今日講少咗英文單字？）要注意。（介唔介意畀人笑？）好多朋友都Send畀我睇，當笑料一則。」
對於被指與男友吳啟楠好事近，在比華利山購入2,500萬別墅築愛巢，JM說：「冇啲咁嘅事，係佢買，唔係我，我想買畀阿媽，仲睇緊，想過咗年先入巿。（男友買嗰度係咪愛巢？）會住，但未結婚，唔急住，佢忙搞新公司，我都要去北京3個月拍劇。（有冇共識結婚？）有共識，大家想花多兩、三年做嘢，搏殺吓先。（佢咁有錢咪唔使做？）邊個話，佢唔係富二代，佢好勤力工作。（前港區人大代表吳康民係佢親戚？）係佢伯伯，佢家人嘅事，我唔想講咁多，要尊重佢，佢哋好低調。」
