劉嘉玲重提舊愛零尷尬

影星劉嘉玲、本港靚女飛魚歐鎧淳、名模周汶錡、名媛何倍倩等，昨日在八號風球懸掛下出席品牌活動。嘉玲自言是貴人出門招風雨：「我係lucky star，希望帶畀大家好運。（打風對你冇影響？）冇，交通反而暢通咗。」雖然老公梁朝偉身在意大利拍戲，但嘉玲明言不會過去探班。對於早前有份參與的內地真人騷反應好，嘉玲更罕有地在節目中大談感情話題：「要睇對象係邊個同點問我，今次識到一班好好嘅朋友，大家相處好輕鬆。（唔介意重提與許晉亨拍拖嘅事？）唔介意，我講得嘅都係事實。（唔怕另一半介意？）大家都係好成熟同理智嘅人，過咗咁多年都係朋友，我講出嚟係想糾正啲人對我嘅錯誤睇法。」