多咗日假 克勤Enjoy砌積木

歌手李克勤、方大同及樂隊太極等前晚於3號風球下出席紅館舉行的音樂節。克勤透露首次執導的新歌MV反應理想：「極度緊張反應，搞到失眠！始終搵咗影后同影帝拍，唔想整衰人哋個朵。（搵埋兩個仔出鏡？）唔好喇！費事佢返到學校口多多。」而方大同坦言表演完要直奔機場：「因為打風預早一晚飛去北京。」他又自言曾在起飛時遇上強大氣流：「空姐係喺飛前已經講一陣會好大風但唔使驚。（遇過空姐派遺言紙？）咁又冇喎！（如果有會寫畀邊個？）冇諗，理身邊同行嘅人先。」