吹走個唱頭場 欣宜哽咽道歉
歌手鄭欣宜原定昨晚（21日）在九展舉行《鄭欣宜女神有問題演唱會2016》頭場演出，但因颱風海馬昨早襲港後高掛八號波，主辦單位於昨早11時宣布取消演出，延期至周日（23日）補辦，同時作出相應退票安排，今晚演出則如常舉行。欣宜昨午透過Facebook直播向歌迷道歉，自製紙海馬的她失望地說：「對唔住呀！本身演唱會首場係今晚，但呢隻海馬揈極都揈唔甩！」她亦指因安全問題，場地不會開放：「我就算好堅持碌入去，都冇人開門畀我入去！就算我一個人企喺台上面都願意做畀你哋睇！」
其後，欣宜講到有點哽咽，指知道很多外地歌迷因颱風而滯留機場，希望他們能趕及明日睇騷，自嘲是貴人招風雨：「今日唯一可以做到嘅係努力啲、休息多啲，再記吓我啲歌詞同舞步，同埋再繼續拉吓筋！好多謝大家咁Understanding，我個心真係好唔舒服，搞到大家咁樣……」
欣宜隨後接受電台訪問時表示，宣布取消一刻既激動又無助，但凡事要從正面角度出發：「就算我細個都係咁同媽咪講，呢個世界係圓，每一件事都可以360度去睇，好似我會叫媽咪唔好擔心！」她又指獲得多位朋友安慰，最後哽咽地說：「今次係你哋畀力量我，唔好意思令大家不便。」
柯震東滯留玩多日
另外，台灣藝人柯震東前日在港出席亞洲電影節活動宣傳新作《再見瓦城》，原本昨晚離開，但因颱風關係而要留到今日才能離港。問到有否影響預定的工作？他說：「因為本來都沒有工作，多留一天也是好事！很久沒來香港，可以吃一些香港美食。」柯震東亦坐言必行，昨日便在酒店擦了一餐大閘蟹！
文：音樂組